I EDICIÓN VIGO EN MARCHA CONTRA O CANCRO – 2026

1. PRESENTACIÓN:

A Asociación Española Contra o Cancro en Vigo organiza o domingo 18 de outubro de 2026, ás 10:00 horas, a I edición da marcha/proba deportiva “Vigo en marcha contra o cancro” a beneficio desta entidade e coa finalidade de apoiar a investigación contra o cancro.

A saída estará situada diante da sede da Asociación Española Contra o Cancro en Vigo, a altura da rúa Venezuela 34 e o percorrido constará de tres modalidades:

• Andaina: distancia de 5 km. Saída ás 11:15 horas.
• Carreira 5K: non competitiva. Saída ás 11:15 horas. (NO PUNTUABLE CIRCUITO RUNRUN)
• Carreira 10K: competitiva. Saída ás 10h. (PUNTUABLE CIRCUITO RUNRUN)

A chegada será no mesmo lugar da saída.

2. CARACTERÍSTICAS:

A Asociación Española Contra o Cancro en Vigo organiza esta marcha/proba deportiva co fin de destinar o recadado a financiar todos os programas gratuitos de Prevención, Atención Psicolóxica e Social, Logopedia, Fisioterapia e Exercicio Físico Oncolóxico, acompañamento a pacientes e familiares, ademais de a fomentar e apoiar proxectos de INVESTIGACIÓN en cancro. Actualmente a Asociación é a entidade social e privada que máis fondos destina a investigación oncolóxica en España.

• Andaina e Carreira 5K: esta proba ten carácter lúdico-deportivo e non competitivo. Está aberta a todas aquelas persoas que queiran colaborar coa Asociación Española Contra o Cancro.
• A Carreira de 10K: é de carácter competitivo e está aberta á participación de persoas maiores de 16 anos.

3. REGULAMENTO:

3.1. Data e hora

Celebrarase o domingo 18 de outubro, coas seguintes horas de saída:

• 10:00hrs. → Carreira 10K (competitiva)

Os participantes que corran nesta proba terán 60 minutos para completala. As persoas deberán dirixirse á zona dos arcos de meta/saída ás 09:45hrs. (quince minutos antes da saída).

• 11:15hrs. → Andaina e Carreira 5K

Os participantes que fagan a carreira deberán poñerse nas primeiras filas, e en segundo lugar os participantes que vaian realizar a proba andando, así como aquelas persoas que por motivo dalgunha limitación de mobilidade 1 precisen de cadeiras de rodas para desprazarse e os que leven carriños de bebé ou similares.  As persoas deberán estar preparadas ás 11 hrs. (quince minutos antes da saída). Todos/as os/as participantes na marcha teñen a obrigación de obedecer as indicacións que a organización (voluntarios, Protección Civil e Policía Local) co fin de garantir o correcto funcionamento do evento, así como a seguridade dos propios participantes e dos membros da organización.

3.2. Entrega de dorsais e camisetas

Terá lugar os días 16 e 17 de outubro en El Corte Inglés de Vigo (Av. da Gran Vía, 25, 36203) na 4ª planta de Deportes, no seguinte horario:

• Venres 16 de outubro: de 17:00 horas a 21:00 horas.

• Sábado 17 de outubro: de 10:00 horas a 21:00 horas.

Tamén se realizará a entrega o propio día da carreira (domingo 18 de outubro) exclusivamente para as persoas que veñan de fóra de Vigo, que deberán indicalo no momento da inscrición. Esta medida establécese para evitar aglomeracións ese día.

A entrega farase de 8:30 a 10:30 horas nos soportais da porta principal do Corte Inglés Vigo. A asignación dos dorsais realizarase por orde de inscrición. No caso de que a talla de camiseta solicitada se esgote, entregaráselle ao/á participante outra talla dispoñible, segundo a súa elección.

3.3.- Distancia e percorrido

A proba consta dun percorrido de 5 km, que no caso da modalidade de 10 km se completará dando dúas voltas ao mesmo circuíto. Só a carreira de 10 km é competitiva, e a idade mínima de participación para esta distancia é de 16 anos.

SAÍDA: rúa Venezuela á altura do número 34 - rúa Pizarro - Travesía de Vigo - Vía Norte – Urzaiz – rúa do Príncipe - Porta do sol – Elduayen - Paseo de Alfonso XII – Falperra – Cachamuíña - Ronda don Bosco - Enrique Blein Budiño- Venezuela ata o punto de saída.

4. INSCRICIÓNS:

Toda a recadación da marcha destinarase ao financiamento de proxectos de investigación oncolóxica e servizos gratuítos para pacientes oncolóxicos e familiares.

ADULTO:

• Inscrición adulto ANDAINA (17 anos en diante): 10€ con camiseta sublimada.
• Inscrición adulto CARREIRA 5k: 10€ con camiseta sublimada.
• Inscrición adulto CARREIRA 10K (16 anos en diante): 13€ con camiseta sublimada.

NENOS/AS:

• Inscrición nenos/as de 4 a 16 anos ANDAINA: 8€ con camiseta sublimada.
• Inscrición nenos/as de 4 a 16 anos CARREIRA 5K: 8€ con camiseta sublimada.
• Inscrición nenos/as 0 a 3 años: de balde (non inclúe camiseta).

*se se esgotan as existencias da talla de camiseta solicitada, entregaráselle outra talla elixida polo/a participante.

Poderase formalizar a inscrición por calquera dos seguintes modos:

• A través da web: www.magmasports.es
• Na sede da Asociación en Vigo (Rúa Venezuela, 34, baixo, 36203 Vigo)
• Na planta 4ª de Deportes El Corte Inglés Vigo.
• Nas mesas que a delegación da Asociación Española Contra o Cancro situará nas rúas de Vigo.

O límite de participación será de 4.700 participantes.

As INSCRICIÓNS EN LIÑA PECHARANSE o mércores 14 de outubro ás 23:59 ou ata completar a cota de 4.700 participantes. De non chegar ao límite seguirase realizando a inscrición de maneira presencial na sede, na planta 4 de Deportes El Corte Inglés ou o mesmo día da marcha no lugar do evento. Más información na sede da Asociación en Vigo (Rúa Venezuela, 34, baixo, 36203 Vigo). Teléfono: 986 22 03 03

Existe un DORSAL SOLIDARIO para que todas as persoas que non podan participar na marcha poidan realizar unha achega económica á conta da Asociación Española Contra o Cancro da entidade Abanca cuxo número é o ES76 2080 5401 5430 4020 3035 ou a través da pasarela de inscricións: https://magmasports.es/es/evento/i-vigo-en-marcha-contra-o-cancro

5. CATEGORÍAS PARA A MODALIDADE COMPETITIVA DE 10K:

Ano nacemento:

• F0 / M0 > 2007-2011
• F1 / M1 > 1987-2006
• F2 / M2 > 1977-1986
• F3 / M3 > 1967-1976
• F4 / M4 > 1962-1966
• F5 / M5 > 1961 o anteriores

6. ASISTENCIA MÉDICA:

A organización facilitará un servizo de ambulancia e de asistencia médica e sanitaria durante a carreira, desde o inicio da proba e até media hora despois de pecharse o control de chegada, así como ao longo de todo o percorrido. Non se permitirá, durante o percorrido, ningún vehículo alleo á organización.

7. CRONOMETRAXE CARREIRA 10K:

O sistema de cronometraxe será facilitado por “Magma Sports” establecendo como puntos de control a saída e a meta.  Os resultados oficiais publicaranse na páxina web www.magmasports.es, non estando autorizado ningún medio a difundilos sen a previa e expresa autorización da organización.

8. SEGURO E RESPONSABILIDADE CIVIL:

Todas as persoas participantes estarán amparadas por unha póliza de responsabilidade civil e de accidentes deportivos, excluíndose os casos derivados dun padecemento latente, imprudencia ou incumprimento das normas e leis aplicables, así como calquera outra circunstancia que figure como excluída. Tamén quedan excluídos os posibles accidentes ocorridos durante os desprazamentos. As persoas participantes aceptan formar parte da carreira baixo a súa exclusiva responsabilidade e risco propio. No momento da inscrición, a persoa participante manifesta atoparse fisicamente apta para completar o percorrido da proba. A organización declina toda responsabilidade polos danos que as persoas participantes poidan ocasionar durante a proba, ocasionarse a si mesmas ou causar a terceiros.

9. AVITUALLAMENTO:

Á chegada á Meta ofrecerase a todas as persoas participantes, independentemente do percorrido que rematasen, un avituallamento a base de froita e bebida.

10. PROTECCIÓN DE DATOS

Ao inscribirse, as persoas participantes dan o seu consentimento para que a Organización e os patrocinadores principais da “I edición Vigo en marcha contra o cancro”, por si mesmos ou mediante terceiros, traten de forma automatizada e con finalidade exclusivamente deportiva, promocional ou comercial, os seus datos de carácter persoal. De acordo co establecido na Lei Orgánica 15/1999, do 13 de decembro, de Protección de Datos de Carácter Persoal, a persoa participante ten dereito a acceder a estes ficheiros co obxecto de rectificar ou cancelar total ou parcialmente o seu contido. Para iso deberá solicitalo mediante correo electrónico á dirección info@magmasports.es. Así mesmo, e de acordo cos intereses deportivos, de promoción, difusión e explotación da “I edición Vigo en marcha contra o cancro”, as persoas inscritas autorizan de maneira expresa e sen límite temporal a Organización ao uso publicitario de fotografías, vídeos e calquera outro tipo de material fotográfico ou audiovisual no que puidesen aparecer, aceptando tamén a publicación do seu nome na clasificación da proba, nos medios de comunicación, cine e/ou Internet, sen esperar ningún tipo de retribución por este concepto.